KONKA

Rusizi : Impanuka y’Imodoka itwaye abagororwa yahitanye umumotari

Ahagana mu saa tatu za mu gitondo kuri uyu wa Kane, imodoka yari itwaye abagororwa yerekeza Nyamasheke igonganye na moto, umumotari wari uyitwaye ahasiga ubuzima.

Umunyamabanga Nshingwabikorwa w’Umurenge wa Giheke, Niyibizi Jean de Dieu, yavuze ko iyi mpanuka yabereye mu Murenge wa Giheke mu Kagari ka Rwinkwavu, ahazwi ku izina rya “Rusayo”.

Yagize ati “Imodoka yari irimo imfungwa ebyiri yavaga Kamembe yerekeza Nyamasheke yagonganye na Moto ifite pulaki RC787W itwawe na Niyonkuru Vincent. Motari yahise yitaba Imana, umugenzi Ngendahayo Emmanuel yahise ajyanwa mu bitaro bya Gihundwe … Moto yangiritse cyane naho imodoka yo yangiritse ipine y’imbere ku ruhande rw’ibumoso. Imfungwa ntacyo zabaye.”

Inzego z’umutekano (Police na DASSO) nazo zahise zihagera umurambo ujyanwa ku Bitaro bya Gihundwe.

Umwe mu babonye iyi mpanuka yavuze ko umumotari yataye umuhanda ari kuva mu nzira za Nyamasheke agongana n’imodoka ya pick up yari itwaye abagororwa, umumotari arapfa, umugenzi arakomereka.

src.umubavu.com

449,510 total views, 2 views today

Leave a Reply

Your email address will not be published. Required fields are marked *