KONKA
Breaking News

RDC: Muri Kasaï-Central abapolisi basaga 100 bamaze kwirukanwa mu mezi 4

RDC: Muri Kasaï-Central abapolisi basaga 100 bamaze kwirukanwa mu mezi 4

Abapolisi ba Congo Kinshasa bigeze kwirukanwa

Abapolisi basaga 100 bo mu Ntara ya Kasaï-Central muri Repubulika Iharanira Demokarasi ya Congo bamaze kwirukanwa kubera gusiba akazi batatanze impamvu.

Mu itangazo ryo ku wa 5 Kanama 2017, komiseri w’agateganyo wa Polisi y’igihugu muri iyo ntara col Christian Kongolo Kambale yatangaje ko iyirukanwa ry’abo bapolisi aribo barigizemo uruhare, mu yandi magambo ngo bariyirukanye.

Aba bapolisi ngo bamaze guhabwa ibirarane byabo ntibongeye kugaragara ku kazi nkuko Col Kongolo akomeza abitangaza mu nkuru iri ku rubuga rwa Radio Okapi, radiyo na Loni ikorera muri Congo.

Ati « Abapolisi benshi bataye akazi, barugenga. Barindira ukwezi gushize kugira ngo bajye gufata umushara wabo gusa. »

Abari bafite icyo kibazo ngo bakorewe urutonde barirukanwa nkuko Col Kongolo akomeza abitangaza.

Itegeko nimero 13013 ryo ku wa Mbere Kamena  2013 rigenga ibijyanye n’abapolisi mu ngingo yaryo ya 228 mu gika cya kabiri muri icyo gihugu rigena ko umupolisi utaye akazi mu gihe cy’ukwezi yirukanwa.

Imiryango itari iya leta muri iyo ntara inarengera uburenganzira bwa muntu (REPRODHOC) itewe impungenge ko iyo ntara yasubira mu bihe by’umuteko muke nkuko byigeze kuhagararaga mu minsi yashize bitewe n’ibikorwa  by’ abarwanyi b’umutware gakondo, Kamwina Nsapu biciwe mu gikorwa cya polisi kuwa 12 Kanama 2016.

src.bwiza.com

999,937 total views, 1 views today

Leave a Reply

Your email address will not be published. Required fields are marked *