KONKA

Umukinnyi wa Rayon Sports yateye ivi asaba umukunzi we kuzamubera umugore (Amafoto)

Imbere y’ababyeyi, umuzamu wa Rayon Sports Bashunga Abouba yateye ivi asaba Cyuzuzo Djamila bari bamaranye imyaka ine bakundana kuzamubera umugore.

Bashunga Abouba wari umaze igihe mu rukundo na Cyuzuzo Djamila, ku mugoroba wo kuri uyu wa Gatandatu tariki 5 Kanama 2017, imbere y’imiryango, ababyeyi n’inshuti, yateye ivi asaba uwari umukunzi kuzamubera umugore bakabana ubuzima bwabo bwose.

Mu marira avanze n’ibyishimo, Cyuzuzo watunguwe n’icyifuzo yagejejweho n’umukunzi we, yemeye kwambara impeta ndetse avuga ko bitewe n’urukundo rutagereranywa bagiranye kuva bamenyana, yemeye kuzamubera umugore.

Nyuma yo gutanga icyifuzo kikanakirwa neza, Bashunga yatangarije IGIHE ko byari inzozi ze kuzabana na Cyuzuzo kuva bamenyana none akaba yishimiye ko nawe yacyakiriye neza n’imiryango ikabiha umugisha.

Yagize ati “Nishimye cyane burya kuba umugabo ni ukugira urugo n’umufasha ugukunda kandi nawe ukunda n’umutima wawe wowe. Ndishimye cyane kandi vuba Imana nidufasha n’ibindi (gushyingirwa) birarangira. Ndashimira umukunzi wanjye Cyuzuzo kuba yanyemereye tugatera iyi ntambwe, ndamukunda cyane.”

Bashunga ashimira umukunzi we nyuma yo kumwemerera kuzabana

Uyu mukinnyi wakiniraga Gicumbi FC mbere yo kuza muri Rayon Sports agafatanya nayo gutwara igikombe cy’Amahoro mu 2016 n’icya shampiyona mu 2017, yavuze ko umukunzi we yamugaragarije itandukaniro n’abandi bakobwa kuva bahuye ari na cyo cyatumye yifuza kuzabana nawe iteka.

Yagize ati “Cyuzuzo ni umukobwa nabonye wa mbere unshimisha, unkunda akabinyereka, unyubaha kandi akaniyubaha. Imico ya Cyuzuzo ni myiza, akunda abantu, arasabana, by’umwihariko angira inama, mu bihe bibi ntabwo anjya kure nk’abandi bakobwa bamwe mukundana wishimye wababara ukababura.”

Bashunga yavuze ko bwa mbere yahuye na Cyuzuzo muri mu ntangiriro za 2013 bagiye mu bukwe ahantu, aramwishimira ndetse baraganira bisanzwe yumva ari umukobwa wisanzura kandi uvuga ibyo yatekerejeho.

Bakomeje kujya bavugana bisanzwe nyuma amusaba ko bakundana ariko umukobwa ntiyabimwemerera, akomeza kugerageza aza kubyemera muri Kanama 2013 imyaka ine ikaab yari ishize bakundana.

Bari baje nk’ibisanzwe umukobwa atazi ko agiye kwambikwa impeta

Abakobwa b’inshuti za Cyuzuzo nabo bafataga amafoto

Cyuzuzo na Bashunga n’ababyeyi babo bombi

Bashunga na Cyuzuzo bafata ifoto y’urwibutso n’abo mu miryango n’inshuti bari baje kubashyigikira

Cyuzuzo byamurenze ararira mukuru we aza kumuhoza

Fiston Munezero wahoze akinana na Abouba muri Rayon Sports yari yaje kumushyigikira

Nyuma yo kumwambika impeta

src.igihe.com


56,520 total views, 4 views today

Leave a Reply

Your email address will not be published. Required fields are marked *